ឈើប្រណីតនៅតែបន្តដឹកចេញពីស្រុកកោះញែក ខេត្តមណ្ឌលគិរីទៅកាន់ខេត្តរតនគិរី
30-August-2016 | ដោយ មែន កំសត់
មណ្ឌលគិរី៖ ឈើប្រណីតធ្នង់កំពុងមានតម្លៃខ្ពស់ នាំចេញទៅប្រទេសវៀតណាម នៅស្រុកកោះញែក ខេត្តមណ្ឌលគិរី នៅតែបន្តសកម្មភាព ដឹកជញ្ជូនតាមរថយន្តជាច្រើនគ្រឿង រាល់ថ្ងៃមកស្តុកទុកក្បែរស្នាក់ការដែនជំរកសត្វព្រៃ ត្រង់ចំណុចអូររង្វាក់ ព្រំប្រទល់ជាប់ឃុំជ័យឧត្ត មស្រុកលំផាត់ ខេត្តរតនគិរី។
ប្រភពព័ត៌មានបានអោយដឹងថា សកម្មភាពដឹកឈើចេញពីស្រុកកោះញែក ខេត្តមណ្ឌលគិរី មកស្តុកទុកក្នុងទឹកដីស្រុកលំផាត់ ខេត្តរតនគិរី ជារៀងរាល់ថ្ងៃ ដោយគ្មានការទប់ស្កាត់ពីសមត្ថកិច្ចពាក់ព័ន្ធឡើយ ។ កន្លែងដែលក្រុមឈ្មួញ យកឈើមករក្សាទុកក្បែរស្នាក់ដែនជំរកសត្វព្រៃលំផាត់នោះ គេមិនដឹងថាជាការឃុបឃិតគ្នាឬយ៉ាងម៉េចទេជាមួយមន្ត្រីដែនជំរកសត្វព្រៃ ។ ឈ្មួញជនជាតិវៀតណាម គឺជាអ្នកបោះលុយអោយទិញ ឈើនៅស្រុកកោះញែកនោះតែម្តង។
ប្រភពព័ត៌មានបានអោយដឹងថា ឈើដែលឈ្មួញដឹកចេញពីស្រុកកោះញែក ខេត្តមណ្ឌលគិរី គេដឹកមកទុកនៅស្រុកលំផាត់ រួចបន្តដឹកចេញ តាមក្រុងបានលុង ស្រុកអូរយ៉ាដាវ ខេត្តរតនគិរី ដើម្បីចូលប្រទេសវៀតណាម ។ ឥឡូវនេះឈើដឹកតាមរថយន្តយីឌុបលែងមានទៀតហើយ ប៉ុន្តែតាមរថយន្តសាំងយ៉ុង ធុនត្រាកាមេរីបាឡែន កើតមានយ៉ាងពេញបន្ទុក ។ ហើយសមត្ថកិច្ចខ្លះ បាន ជាប់ពាក់ព័ន្ធក្នុងបទល្មើសព្រៃឈើ ៕
ចំនួនអ្នកទស្សនា
- ថ្ងៃនេះ13571
- ម្សិលមិញ11441
- សប្តាហ៍នេះ43401
- ខែនេះ158551
- ឆ្នាំនេះ158551
- សរុប20601007